BAGUIO CITY – Nagpapagaling sa ospital ang limang katao kabilang ang apat na bata pagkatapos maaksidente ang sinakyan nilang pampasaherong jeep sa Bangbanganay, Palina, Kibungan, Benguet
Nakilala ang mga ito na si Polido Esong, 47, may asawa at driver ng jeep, at ang mga pasahero nitong sina Charlynne Mae Dominguez, 13; Julle Bilao, 9; Chyrus Ariz Dominguez, 9, at Khan Aldrech Esong, 3, pawang mga residente ng Madaymen, Kibungan.
Batay sa report ng Kibungan Municipal Police Station, magtutungo sana ang mga biktima sa Poblacion, Kibungan, Benguet ngunit nagkaroon ng mechanical effect ang jeep habang binabaybay nito ang kurbadang bahagi ng kalsada.
Nagresulta ito sa pagkabangga ng jeep sa concrete barrier ng kalsada.
Nagtamo ang mga biktima ng mga sugat sa iba’t ibang bahagi ng kanilang katawan at naisugod sila sa pagamutan.
