CENTRAL MINDANAO-Pawang mga myembro ng Bangsamoro Islamic Freedom Fighters (BIFF) ang limang mga holdaper na nasawi sa engkwentro ng mga Cafgu, sundalo at mga pulis sa lalawigan ng Maguindanao.
Nakilala ang mga nasawi na sina Johari Matas, Faizer Alon, Lahmudin Hasim, Meharis Manunggal at Kaharudin Ambag habang nakatakas si Pendatun Budtug na mga kasapi ng BIFF
Bongos faction.
Matatandaan na hinold-up ng mga suspek ang Hannans Eat All You can eatery sa Barangay Kauran Ampatuan Maguindanao at tinangay ang mahigit tatlompung libong pesong pera.
Agad nagreport sa pulisya ang may-ari ng kainan kaya hinabol ang mga suspek at naharang sa isang Cafgu/Army outpost sa Sitio Midpalao Brgy Kafuran sa bayan ng Ampatuan ngunit hindi tumigil at nakipagbarilan sa tropa ng gobyerno.
Lima sa mga suspek ang nasawi at isa ang nakatakas na tumakbo sa taniman ng mais.
Narekober sa mga holdaper ang dalawang kalibre.45 na pistola,mga bala ng Cal.45,magasin,mga bala ng M14 at M16 Armalite rifles.
Sa ngayon ay patuloy na pinaghahanap ng mga otoridad ang nakatakas na si Budtug na dalubhasa sa paggawa ng bomba.
