‘5 pang karagdagang testing sites para sa 2020/21 Bar Exam, aprubado na’ – SC

Aprubado na ng Supreme Court (SC) ang karagdagang limang testing sites na gagamitin para sa 2020/21 Bar Examinations na isasagawa sa susunod na taon.

Sa Bar Bulletin No. 29 series of 2021 na pirmado ni SC Bar Chairperson Associate Justice Marvic Leonen, matapos daw ang assessment, negotiations at initial ocular inspections ay inaprubahan nila ang limang local testing centers.

Narito ang mga bagong apbrubang testing sites:

National Capital Region (NCR).

1. University of the Philippines-Diliman, Quezon City (maximum 756 slots)
2. University of the Philippines Bonifacio Global City, 32nd Street, Taguig City (maximum 436 slots)
3. De La Salle University, 2401 Taft Avenue, Malate, Manila-(maximum 794 slots)

Region 3 (Central Luzon)

4. Angeles University Foundation, MacArth Highway, Angeles City, Pampanga (maximum 200 slots)

Region 10 (Northern Mindanao)

5. Liceo de Cagayan University, Paseo del Rio Campus, Rodelsa Circle, Cagayan de Oro City, Misamis Oriental (maximum 208 slots)

Una rito, 24 na lugar ang pinayagan ng SC na mga testing sites.

Kabilang dito ang:

National Capital Region (NCR)

1. Ateneo de Manila University Law School, Ateneo Professional Schools Building, 20 Rockwell Drive, Rockwell Center, Makati City (maximum 269 slots)
2. Manila Adventist College, 1975 San Juan Street, Pasay City (maximum 450 slots)
3. University of Makati, J.P. Rizal Extension, West Rembo, Makati City (maximum 1,000 slots)
4. Far Eastern University, Nicanor Reyes, Sampaloc, Manila (maximum 600 slots)
5. University of Santo Tomas, España Boulevard, Sampaloc, Manila (maximum 500 slots)

Cordillera Administrative Region

6. St. Louis University School of Law, A. Bonifacio Street, Baguio City (maximum 1,035 slots)

Region I (Ilocos Region)

7. St. Louis College, Carlatan, San Fernando City, La Union (maximum 1,280 slots)

Region 2 (Cagayan Valley)

8. Cagayan State University College of Law, Carig Campus – Carig Sur, Tuguegarao City, Cagayan (maximum 421 slots)
9. St. Mary’s University College of Law, Bayombong, Nueva Vizcaya (maximum 259 slots)

Region 4A (CALABARZON)

10. De La Salle University-Lipa, 1962 Pres. J.P. Laurel National Highway. Lipa City, Batangas (maximum 1,125 slots)
11. City College of Calapan, Barangay Guinobatan, Calapan City, Oriental Mindoro (maximum 200 slots)

Region 5 (Bicol Region)

12. University of Nueva Caceres, J. Hernandez Avenue, Naga, Camarines Sur (maximum 1,000 slots)

Region 6 (Western Visayas)

13. Central Philippine University, University Avenue, Jaro, Iloilo City, Iloilo (maximum 475 slots)
14. University of St. La Salle, La Salle Avenue, Bacolod City, Negros Occidental (maximum 1,340 slots)

Region 7 (Central Visayas)

15. University of San Jose Recoletos-Basak Campus, N. Bacalso Street, Basak, Pardo, Cebu City (maximum 600 slots)
16. University of Cebu School of Law, UC Banilad, M. Cuenco Avenue, Banilad, Cebu City (maximum 1,000 slots)
17. University of San Carlos School of Law and Governance, University of San Carlos Law Building, Pelaez Street, Cebu City (maximum 200 slots)
18. Silliman University College of Law, 1 Ilibbard Avenue, Dumaguete City, Negros Oriental (maximum 1,000 slots)

Region 8 (Eastern Visayas)

19. Dr. V. Orestes Romualdez Educational Foundation, Calanipawan Road, Barangay Calanipawan, Tacloban City, Leyte (maximum 400 slots)

Region 9 (Zamboanga Peninsula)

20. Ateneo de Zamboanga University, La Purisima Street, Zamboanga City, Zamboanga del Sur (maximum 365 slots)

Region 10 (Northern Mindanao)

21. Xavier University-Ateneo de Cagayan College of Law, 73 Corrales Avenue, Cagayan de Oro City, Misamis Oriental (maximum 240 slots)
22. Mindanao State University Iligan Institute of Technology, Andres Bonifacio Avenue, Tibanga, Iligan City, Lanao del Norte (maximum 250 slots)

Region 11 (Davao Region)

23. Ateneo de Davao University, Senior High School Campus, Bangkal, Davao City (maximum 800 slots)

Region 12 (SOCCSKSARGEN)

24. Mindanao State University, Fatima, General Santos City (maximun 204 slots)

Suma tutal, mayroong 17,407 slots lahat sa 29 local testing sites.

Una rito, noong Setyembre 28 ay inanunsiyo ng Korte Suprema ang pagpapaliban na naman ng Bar Examination na nakatakda sanang isagawa sa apat na linggo sa buwan ng Nobyembre.

Sinabi ni Leonen, dahil na rin umano sa patuloy na pagtaas ng kaso ng Coronavirus disease 2019 (COVID-19) sa ating bansa kaya kailangan nilang muling i-reset ang date ng prestihiyosong eksaminasyon.

May advice na rin daw mula sa mga eksperto na mas maiging ipagpaliban na muna ang bar exam para masiguro ang kaligtasan ng mga bar applicants at personnel na kukuha ng exam.

Dahil dito, isasagawa na sa susunod na taon ang bar exam sa tatlong linggo ng Enero at isang araw ng linggo sa buwan ng Pebrero.

Partikular dito ang mga petsa sa buwan ng Enero na 16, 23 at 30 at Pebrero 6, 2022.

Magpapatuloy pa rin naman daw ang lahat ng preparatory activities ng bar exam gayan ng pagpili ng mga bar applicants ng venue kung saan sila mag-e-exam, pag-download sa secure exam delivery program at iba pang aktibidad.

“After considering the COVID-19 situation nationally and in all the testing sites, as well as receiving advice from various experts, the Supreme Court, after recommendation by the Bar Chairperson, with an abundance of caution and to assure the highest level of safety for all the bar applicants and personnel, decided to reset the Bar Examinations from November 2021 to January 16, 23, 30, and February 6, 2022. The application period will not be reopened. All preparatory activities for the Bar Examinations, including the selection of the bar applicants of their venue, downloading of the secure exam delivery program, and other activities, shall continue,” ani Leonen.

Kasunod nito, todo pa rin naman ang paalala ni Leonen sa lahat ng mga bar applicants na mag-review nang mabuti para pumasa sa eksaminasyon.

Binigyang diin ng associate justice na ang target ng mga applicant ay hindi lamang maipasa ang bar examination kundi para makapagsilbi sa iba sa hinaharap.