-- Advertisements --
BUTUAN CITY – Pumalo ng hanggang 53-degrees Celcius ang heat index na naitala sa Butuan City kahapon.
Sa panayam ng Bombo Radyo Butuan kay Lance Veranda ng Pagasa-Bacansi, sinabi nito na naitala ang naturang temperatura sa lungsod pasado alas-2:00 kahapon.
Ayon kay Veranda, resulta ito ng easterlies o mainit na hanging galing sa silangang bahagi ng Pacific Ocean.
Dahil dito pinaalahanan ng opisyal ang mga Butuanons na kahit nasa general community quarantine ang ibang mga barangay ay iwasan pa rin ang paglalabas ng bahay at ugaliin ang pag-inom ng maraming tubig upang maiwasan ang dehydration.
