KALIBO, Aklan – Nasita ng mga awtoridad ang anim na lady boy makaraang mapansin ang mga ito na nag-aalok ng panandaliang aliw sa ilang dayuhang turista sa front beach ng Station 2, Barangay Balabag sa isla ng Boracay.
Kinilala ng Malay PNP ang mga nasitang lady boy na sina Nicole, 24; Benju, 25; Sofia, 24; Arian, 31; Daniela, 29 at Marsha, 20 anyos pawang pansamantalang nakatira sa nasabing isla.
Batay sa ulat, napansin ng mga nagrorondang pulis ang mga naturang lady boy na ang ilan sa kanila ay nabatid na mga mga transgender woman na nakaabang sa daan at nag-aalok ng panandaliang aliw partikular sa mga dayuhang bakasyunista kapalit ng pera.
Dahil dito, kaagad silang dinala sa himpilan ng pulisya at pinaalalahanan na mahigpit na ipinagbabawal sa isla ang pag-alok ng panandaliang aliw sa mga bisita.
Pagkatapos ng profiling sa mga ito ay kaagad din silang pinalabas ng police station.
