CENTRAL MINDANAO- Nahuli ng mga otoridad ang anim katao sa isang drug den sa syudad ng Cotabato.
Nakilala ang mga suspek na sina Quetze Lauban Wahab alyas Kwetsi, Mohedin Usman Diocolano, Jelil Wahab, Hakim Wahab, Mantong Esmael Inok at Randolf Abis.
Ayon kay Philippine Drug Enforcement Agency (PDEA-BARMM) Regional Director Juvinal Azurin na nagsagawa sila ng drug buybust operation sa bahagi ng Purok Bagal Malagapas Barangay Rosary Heights 10 sa Cotabato City katuwang ang pulisya.
Nang akma nang i-abot ng mga suspek ang shabu sa asset ng PDEA-BARMM ay doon na sila dinakma ng mga otoridad.
Narekober sa mga suspek ang 22 grams na shabu, mark money, mga personal na kagamitan at mga drug paraphernalia.
Ang mga suspek ay nakapiit na ngayon sa costudial facility ng PDEA-BARMM at nakatakdang sampahan ng kasong paglabag sa Republic Act 9165 o Comprehensive Dangerous Drug Act of 2002.
