-- Advertisements --
LEGAZPI CITY – Patay ang anim na katao habang sugatan naman ang 18 iba pa matapos na mahulog ang isang pampasaherong jeep sa isang bangin sa San Jose, Libon, Albay.
Sa panayam ng Bombo Radyo Legazpi kay Marlon Barro, isa sa mga naunang rumesponde sa insidente, base na rin umano sa testimonya ng mga biktima nakarinig muna ng ingay sa ilalim ng jeep hanggang sa mawalan ng preno at mahulog sa bangin.
Dead on the spot ang anim sa 30 sakay ng jeep dahil sa mga sugat na tinamo sa kanilang katawan habang naitakbo naman sa ospital ang iba pang biktima.
Samantala, pinaghahanap na sa ngayon ng mga otoridad ang drayber ng jeep na si Rolando Olade na residente ng Barangay Caguscos na mabilis na nakatakbo matapos ang insidente.
