-- Advertisements --
Limang mga empleyado ang nasawi sa panibagong insidente nang pamamaril sa Amerika na nangyari sa Molson Coors complex sa estado ng Milwaukee.
Ayon kay police Chief Alfonso Morales ang suspected shooter ay isang 51-anyos mula rin sa Milwaukee.
Ang campus sa Milwaukee ay binubuo ng mga corporate offices at dalwang breweries.
Sinasabing mahigit sa 1,000 katao ang nagtatrabaho sa lugar nang mangyari ang pamamaril.
Sa ngayon wala pang masyadong inilalabas na detalye ang pulisya.
Sina US President Donald Trump at Mayor Tom Barrett ay nagpaabot na rin nang pagkondena at pakikidalamhati sa pangyayari.
