-- Advertisements --
ROXAS CITY – Sugatan ang anim na katao kabilang na ang limang menor de edad matapos magsalpukan ang dalawang motorsiklo sa Brgy. Tabuc Sur, Panit-an, Capiz.
Lumalabas sa imbestigasyon ng Panit-an PNP na galing sa Barangay Timpas, Panit-an ang isang motorsiklo sakay ang apat na mga menor de edad nang biglang nag-overtake sa kanila ang isang sasakyan.
Dahil dito ay nawalan ng balanse ang nasabing motorsiklo at sumalpok sa nakasalubong na motorsiklo na minamaneho ni Denmar Santiago, 27, ng Barangay Quios, Panit-an.
Dahil sa impact ng banggaan, nagtamo ng mga sugat sa katawan ang mga biktima na kaagad dinala ng emergency response team sa ospital.
