DAVAO CITY – Nasa pitong mga bahay ang natabunan ng lupa matapos ang nangyaring landslide sa Paquibato District.
Ayon sa Paquibato police station, nangyari ang insidente sa Sitio Pungko, Brgy Salapawan sa nasabing lugar.
Suwerte naman na walang mga tao sa nasabing mga bahay ng mangyari ang insidente at walang naitalang casualty.
Agad naman na isinagawa ang clearing operation matapos na matabunan ng lupa ang kalsada ng lugar.
Ayon sa City Disaster Risk Reduction and Management Office (CDRRMO) na dahil sa naranasan na pag-ulan nitong nakaraang araw ang dahilan ng paglambot at pagguho ng lupa sa lugar.
Muling nagpaalala ang ahensiya sa mga naninirahan sa landslide prone areas na manatiling alerto kung mararanasan ang mga pag-ulan at agad na lumikas para hindi malagay sa delikado ang sitwasyon.
