LEGAZPI CITY – Arestado ang pitong katao na naaktuhang nagsusugal sa Purok 3 kan Brgy. Kiwalo, Daraga, Albay.
Kabilang sa mga inaresto sina Felicito Loremia, Christopher Alame, Warrin Dino, Samuel Dino, Jun Austria, Rowel Balabis at Marlon Lorilla.
Sa impormasyon mula sa Albay Police Provincial Office napag-alaman na nag-iikot ang tropa ng Daraga Municipal Police Station para sa anti-illegal gambling operation nang makita ang mga naturang indibidwal.
Nagresulta ito sa pagkakaaresto ng pito habang kabilang pa sa mga nakumpiska ang dalawang sugatan na puting panabong na manok at P3,000 na taya.
Inihahanda na rin ang karampatang kasong kakaharapin ng mga ito.
Una nang inihayag ng pulisya na hindi titigil sa regular police functions kahit karamihan ay nakatuon kontra sa coronavirus disease.
Kabilang ang Albay sa mga nagpatupad ng mahigpit na pagbabawal sa mga sabong sa ilalim ng enhanced community quarantine sa Luzon at border closure.
