La Union – Pitong bahay ang natupok sa sunog sa Purok 2, Barangay Rimos 3, Luna, La Union dakong alas-7:00 ng gabi ngayong araw, Agosto 21,
Sa panayam ng Bombo Radyo La Union News Team Ayon kay Barangay Kagawad Tante Autriz, limang bahay ang ganap na nawasak habang dalawa ang bahagyang nasira.
Ayon kay Kagawad Austriz, nagsimula ang sunog sa bahay ng isang Marlon Villanueva dahil sa sirang circuit breaker nito, hanggang sa mabilis itong kumalat sa anim pang bahay na magkalapit din.
Aniya, gawa sa semi concrete ang mga nasunog na bahay at malapit sa squatter area.
Samantala, nasa evacuation area na ngayon sa Barangay Rimos ang mga nasunog na pamilya
Ang bilang ng mga pamilyang nasunog at ang kabuuang pinsala ay hindi pa nalalaman.
Walang naiulat na nasugatan sa insidente.
