-- Advertisements --
CENTRAL MINDANAO-Palutang-lutang sa dagat ang siyam katao bago sila nailigtas sa probinsya ng Sultan Kudarat.
Ayon sa ulat ng PNP-Maritime Sultan Kudarat na namamangka ang mga biktima o boating di kalayuan sa isang beach resort sa Barangay Tibpuan Lebak Sultan Kudarat.
Bigla na lamang nabutas ang bangka at napuno ng tubig kaya itoy tumaob.
Kumapit na lamang ang mga biktima sa bangka na tumaob kasama ang 3 anyos na bata.
Mabuti na lamang at nailigtas ang mga biktima ng ibang bangkang de motor o pumpboat.
Paalala ng LGU-Lebak sa mga may-ari ng mga bangka na iwasan ang sobrang dami ng sakay tuwing nagboboating.
