-- Advertisements --
COTABATO CITY – Nagpapatuloy ngayon ang malalimang imbestigasyon ng mga otoridad sa nangyaring ambush kung saan siyam ang patay, tatlo ang sugaran na naganap sa Barangay Kalumamis, Guindulungan, Maguindanao pasado alas-7:00 ng umaga nitong Sabado.
Sa inisyal na impormasyon na nakalap ng Star FM Cotabao kay Maguindanao PNP spokesperson Lt. Fayeed Cana, patungo sana sa Barangay Kitapok, Datu Saudi Ampatuan, Maguindanao ang grupo ni Kumander Pags Mamasainged alias Black Magic sakay ng tatlong SUV para sa isang rido settlement nang tambangan sila ng hindi nakikilalang grupo pagsapit sa Barangay Kalumamis, Guindulungan, Maguindanao.
Sa ngayon ay hindi pa matukoy ng PNP ang Motibo ng pananambang at kung sino ang mga salarin.
