Inanunsiyo ngayon ng Miami Heat na ang kanilang All-Star center na si Bam Adebayo ay sasailalim sa surgery para sa repair ng torn ulnar collateral ligament sa kanyang right thumb.
Dahil dito, inaasahang hindi makakalaro si Abebayo sa Heat ng aabot sa apat hanggang anim na linggo.
Kapag nagkataon maaring umabot sa 15 hanggang 20 games na hindi muna makakalaro.
Sinasabing malaking kawalan sa Miami si Adebayo, 24, lalo na at nag-a-average ito ng 18.7 points, 10.2 rebounds, 3.2 assists at 1.1 steals per game.
Para naman kay Adebayo wala siyang magagawa dahil ito lamang daw ang tanging options.
Nakadagdag pa sa kamalasan ng team ang hindi pa rin paglalaro ng starter na si Jimmy Butler at ang forward na si Markieff Morris dahil din sa injury.
Kanina sa laro ng Heat ay tinalo sila 111-85 sa kamay ng bumisitang Cleveland Cavaliers.
Nanguna sa Cavs si Kevin Love na may 22 points upang tuldukan na rin ang 20-game losing streak sa Miami mula pa noong Jan. 25, 2010.
