-- Advertisements --
Nangailangan pa ng overtime ang Alaska Aces para talunin ang NLEX 122-119 sa PBA Philippine Cup na ginanap sa Angeles University Foundation Gym sa Angeles City, Pampanga.
Bumida sa panalo ng Aces si Maverick Ahanmisi na mayroong 25 points at 12 rebounds habang mayroong 19 points, limang assists si JVee Casio at 16 points naman ang idinagdag ni Abu Tratter.
Nasayang naman ang ginawang 30 points ni Kiefer Ravena para sa NLEX.
Aminado si Aces coach Jeff Cariaso na nahirapan sila sa nasabing laban.
Mayroon ng pitong panalo at apat na talo ang Aces at dito natapos ang kanilang elimination rounds.
