Actor Migo Adecer arestado matapos mabangga ang 2 traffic enforcer

Inaresto ng mga kapulisan sa Makati City ang actor na si Migo Adecer matapos na takasan ang nabangga nitong dalawang traffic enforcer.

Base sa imbestigasyon ng mga kapulisan, matapos na mabangga ng actor sina Rogelio Formelos Castillano at Michlle Gallova Papin ay mabilis itong tumakas lulan ng kaniyang Subaro BRZ.

Nahabol ito ng mga kapulisan sa kahabaan ng N.Garcia St. sa Poblacion Makati.

Lumabas din sa imbestigasyon na nasa impluwensiya ng alak ang actor at nakipagtalo pa sa umarestong pulis at nagmatigas na ibigay ang kaniyang lisensya.

Inihahanda na ng mga kapulisan ang kaso laban sa actor.