-- Advertisements --
Inanunsiyo ng actor na si Troy Montero na nagpositibo ito sa COVID-19.
Sa kaniyang social media account, sinabi nito na nakaranas siya ng ilang sintomas gaya ng pag-ubo, lagnat, sakit ng ulo at pananakit sa katawan.
Nagpapagaling na rin ito sa kanilang bahay kung saan nasa ikaapat na araw na itong naka-isolate.
Dagdag pa nito na kumpleto naman ang kaniyang bakuna laban sa COVID-19 at balak niyang magpaturok ng booster sa mga susunod na araw.
Hiling lamang nito na hindi mahawaan ang mga kaanak niya.
Magugunitang ilang mga local showbiz personalities ang dinapuan ng COVID-19 gaya nina Vin Abrenica, Pia Wurtzbach, Hidilyn Diaz, Iya Vilania at mga anak, mag-asawang Aga Muhlach at Charlene Gonzales at Candy Pangilinan.
