-- Advertisements --
Ikinasal na ang actress na si Ynna Asistio at non-showbiz boyfriend Bully Carbonell.
Kasabay din nito ang pag-amin ng actress na ito ay nagdadalantao.
Sa kanilang social media ay accounts ay nagpost ang mga ito ng larawan na kuha sa kanilang pag-iisang dibdib na ginanap sa Muntinlupa.
Ilan sa mga dumalo sa kasal ng dalawa ay ang actress na sina Arlene Muhlach at Jennica Garcia.
Kuwento ng actress na hindi niya akalain na magbubuntis pa ito dahil mula pa noong 13-anyos pa lamang ay mayroon na siyang PCOS (polycystic ovary syndrome).
Matapos ang anunsiyo ng dalawa sa nasabing balita ay bumuhos naman ang mga pagbati mula sa kapwa nilang artista.
