Agila, na-rescue sa Capiz

ROXAS CITY – Matagumpay na nailigtas ng mga residente ang isang agila o Philippine Eagle sa Barangay Bonga, Panay, Capiz.

Sa panayam ng Bombo Radyo Roxas kay ginang Fatima, nahuli ng kaniyang dalawang pamangkin ang naturang ibon at mistulang mahina na ito nang kanilang makita.

Nakitaan din ng sugat sa kaniyang pakpak ang malaking ibon.

Dahil dito ay minabuti ng pamilyang gamutin ang agila n at pansamantalang inilagay sa isang kulungan.

Nabatid na tatlong araw nang nasa pangangalaga ng pamilya ang ibon.