-- Advertisements --

Tuluyan nang isinara ni Ai Ai delas Alas ang kabanata ng kanyang buhay pag-ibig kasama ang dating asawang si Gerald Sibayan.

Sa isang social media post, nagpasalamat ang komedyante sa mga kaibigan at pamilya na sumuporta sa kanya sa gitna ng pagsubok.

Ayon sa kanya, “As I MOVE FORWARD, there’s no looking back. I’ve CLOSED that chapter… it’s time to embrace the FUTURE with hope and healing.”

Kinumpirma rin ni delas Alas na binawi na ng U.S. Citizenship and Immigration Services (USCIS) ang green card petition para kay Sibayan.

Matatandaang naghiwalay ang dalawa noong Oktubre 2024 matapos ang pitong taong pagsasama bilang mag-asawa.

Nang tanungin tungkol sa posibleng third party, nagbigay ng pahiwatig ang komedyante: “Ako, ramdam ko meron.”

Sa kabila ng hiwalayan, determinado si Ai-Ai na harapin ang bagong yugto ng kanyang buhay nang may pag-asa at pagpapasalamat.