Nagbabala sa publiko ang Food and Drugs Administration (FDA) na huwag gumamit at bumili ng AiDeLai disposable face masks.
Ayon sa FDA, base sa kanilang evaluation process, unnotified o hindi raw otorisado para ibenta dito sa bansa ang nasabing face mask.
“The FDA verified through post-marketing surveillance that the above mentioned medical device product is not notified and no corresponding Product Notification Certificate has been issued,” base sa FDA advisory.
Binalaan naman ng FDA ang mga establisimiyento na magbebenta o mag-a-advertise ng AiDeLai face masks na mahaharap sila sa kaukulang parusa.
Ito ay dahil sa wala pa silang inilalabas na Product Notification Certificate nito.
“Since this unnotified medical device product has not gone through evaluation process of the FDA, the agency cannot assure its quality and safety,” dagdag ng FDA.
