CENTRAL MINDANAO-Nagpositibo sa Coronavirus Disease (Covid-19) si Alamada Cotabato Mayor Jesus “Susing”Sacdalan.
Ito ay kinumpirma mismo ni Sacdalan sa pamamagitan ng kanyang social media post.
Sinabi ng Alkalde na siya ay nagpositibo sa COVID -19 matapos niyang makasalamuha ang isang Covid positive sa isang pagtitipon.
May kaugnayan daw ito sa kanyang trabaho bilang isang Municipal Mayor.
Naka-quarantine na ang alkalde at nasa maayos nang kalagayan.
Nanawagan din ito sa lahat ng kanyang nakasalamuha simula noong May 12, 2021, na sila ay magself-quarantine o home quarantine at kung may nararamdamang sintomas, agad itong ipagbigay alam sa Rural Health Unit.
Dagdag pa ng opisyal na huwag maging kampante dahil sa kabila nga ng kanyang pag- iingat at pagsunod sa mga ipinatutupad na health protocols nahawa pa rin siya sa COVID-19.
Nagpaalala din ang Alkalde sa kanyang mga nasasakupan na patuloy na sundin ang mga minimum health standards na ipinapatupad ng Department of Health o DOH para mapanatili ang ligtas na pamumuhay sa bayan ng Alamada.
