Alden Richards hindi nakaramdam ng pagkabigo matapos palitan ng ‘Rewind’ ang ‘Hello, Love, Goodbye’ bilang box office movie

Masaya si Alden Richards para sa tagumpay na tinamasa ng ‘Rewind’ kahit na nalampasan nito ang ‘Hello Love Goodbye’ bilang box office hit movie sa Pilipinas.

Pinuri at natutuwa si Alden para kay para sa Marian at Dingdong Dantes (DongYan), pati na sa Star Cinema, Direk Mae Cruz Alviar at iba pang bumubuo ng pelikula dahil nakapaggawa raw umano ito ng kalidad na pelikula na talagang tinangkilik ng masa.

Sinabi rin niya na huwag sanang ipagdamot ang ganitong mga pelikula sa mga Pilipinong manunuod dahil matagal na ring naghahangan at nag-aabang ang mga ito ng magagandang klase na pelikula.

Kaya naman nagsilbing inspirasyon daw ito sa kaniya upang mas pagbutihin pang gumawa pa ng mga pelikula na mamahalin din ng mga kapwa Pilipino.