‘Alert Level 4 itinaas na sa Libya; mandatory evacuation ng OFWs ipatutupad’ – DFA

Itinaas na sa Alert Level 4 ng Department of Foreign Affairs (DFA) ang sitwasto ng mga overseas Filipino workers (OFW) sa Libya.

Ito’y sa gitna pa rin ng lumalang tensyon sa capital city ng Tripoli dahil sa civil war.

Sa isang online post kinumpirma ni Foreign Affairs Sec. Teodoro Locsin Jr. ang pagtataas pa ng DFA ng alerto sa mga Pilipinong manggagawa.

Sa ilalim ng Alert Level 4, mandatory na ang evacuation ng mga OFW sa Libya.

Yesterday informed President that I raised the Alert Level to 4 in Tripoli + 100 kms around. More mortar fire, more Filipinos hurt. AL 4 is mandatory evacuation but we cannot compel—and rightly so. What is mandatory is that DFA stays in Tripoli until last OFW goes—& then it stays

— Teddy Locsin Jr. (@teddyboylocsin) May 1, 2019

Batay sa datos ng DFA nasa 32 Pinoy workers na ang boluntaryong lumapit sa repatriation program ng Embahada ng Pilipinas.

Tinatayang nasa 1,000 naman ang populasyon ng mga OFW sa Tripoli.