-- Advertisements --
Nasungkit ni Alex Eala ang kanyang kauna-unahang titulo bilang professional matapos itong magreyna sa final ng ITF Rafa Nadal Academy World Tennis Tour tournament na ginanap sa Manacor, Spain.
Bumangon mula sa pagkatalo sa isang set si Eala at nanaig kontra sa mas matandang si Yvonne Cavalle-Reimers, 5-7, 6-1, 6-2.
Naging mahinahon ang 15-anyos na si Eala kahit na bigo ito sa unang set, at bumawi sa ikalawa at huling set upang maitakas ang panalo.
Kung maaalala, nakapasok sa finals ang Pinay sensation makaraang itumba si Adithya Karunaratne ng Hong Kong, 6-3, 6-4, noong Sabado ng gabi.
