Kinumpirma ng asawa ng celebrity personality na si Alex Gonzaga na si Mikee Morada na muling nakunan ang kanyang asawa sa ikatlong pagkakataon.
Ginawa ang kumpirmasyon sa latest vlog ng kapatid ni Alex na si Toni Gonzaga kung saan ibinahagi ni Mike ang pinagdaanan ni Alex.
Aniya, noong una ay hindi nila inasahan ang pagbubuntis ni Alex dahil wala pa ito sa kanilang plano.
Kabilang sa kanilang unang pinag-piliian ay ang In vitro fertilisation (IVF) na natural pa rin ngunit kailangan munang ihanda ang pangangatawan at kalusugan ni Alex.
Matapos na sumailalim sa serye ng check up sa OB/GYN ang aktres, nakumpirma na muli itong nagdadalang tao ngunit nagkaroon ito ng komplikasyon kinalaunan.
Pareho aniya silang nalungkot dahil sa pangyayari dahil makailang ulit na silang sumubok na magkaanak .
Unang nakunan si Alex noong 2021 na sinundan noong 2023.
Naniniwala naman si Mike na ang pagsubok na ito ay lalong nagpapatatag sa kanilang relasyon bilang mag-asawa.
