-- Advertisements --
Pinag-iingat ng actress na si Alice Dixson ang kaniyang mga fans matapos na siya ay madukutan habang namamasyal sa isang mall.
Sa kaniyang Instagram, ikinuwento ng beteranang actress na nabiktima siya ng kawatan at nakuha ang kaniyang cellphone.
Nangyari umano ang insidente noong Hunyo 29 noong pumasyal ito sa Greenbelt 5.
Tinignan nila ang kuha ng CCTV ng mall at lumabas na mayroong hanggang apat o anim na katao mga kababaihan at kalalakihan ang dumikit sa kaniya at doon na nakuha ang cellphone niya.
Payo nito sa mga social media followers na ingatan ang mga gamit tuwing sila ay nagtutungo sa mga mall.
