KALIBO, Aklan—Hindi mahulugan ng karayom ang libo-libong mga fans at party goers na nakisalamuha sa most popular rap group na Almost sa lalawigan ng Aklan.
Ito ay makaraang magperform sa isang splash party ang mga miyembro nito na sina Crakky, Russel, Clien, at Jom kasama ang mga Dj’s na sina DJ Daxx at DJ Aye na inorganize ng Local Government Unit (LGU) ng bayan ng New Washington in honor sa kapyestahan ni San Juan de Bautista.
Ayon kay Police Captain Syril Punzalan ng New Washington PNP, kabuuang naging mapayapa ang naturang kasiyahan na dinaluhan ng mahigit sa 4,000 katao.
Nabatid na ang naturang rap group ang nasa likod ng kantang “Dalaga” na pumatok dahil sa Dalagang Pilipina challenge na kung saan, ginagaya ang imahe ng isang “dalagang Pilipina†na mahinhin, matipid ang ngiti at halos hindi makabasag ng pinggan ang kilos.
