Ngayon pa lang ay inalerto na ng National Water Resources Board (NWRB) ang mga residente sa Metro Manila at kalapit na lalawigan dahil sa nakatakdang pagbabawas sa alokasyon ng tubig dulot ng patuloy na pagbaba ng water level sa Angat Dam.
Ayon kay NWRB executive director Sevillo David, walo hanggang 12 oras na makakaranas ng water interruption ang mga consumer mula bukas June 19 hanggang Biyernes, June 21.
Lumabas kasi sa huling monitoring ng tanggapan na pumalo na ng 161.78-meters ang lebel ng tubig sa naturang dam nitong umaga. Halos maabot na ang 160-meters na critical level.
“This will considerably impact the normal delivery of services of Metro Manila concessionaires—Maynilad and Manila Water—and the Bulacan concessionaire. Expect rotational water service interruption, which will be announced in the soonest time possible,†ani David.
“On June 22, assuming that the 160-meter level is breached based on the projection, another adjustment will be undertaken in the MWSS allocation because the auxiliary unit will be shutdown. However, it is assured that at least 36 cms will be allocated to MWSS until the dam further declines to 150 meters assuming that there is no significant inflow.”
Sa ilalim ng panukala ng binuong technical working group, gagawing 40-cubic meters ang alokasyon ng tubig mula sa 46-cubic meters na distribusyon.
Dahil dito, higit 12-milyong customer ng Manila Water at Maynilad na naman ang tiyak na mape-perwisyo.
“Per our latest estimate, with an allocation of 40 CMS, about 70% of Maynilad’s customer base will be affected. We are constrained to implement rotational service interruptions throughout our concession area to maximize the limited supply,” ayon sa water concessionaires.
Ngayong gabi inaasahang maglalabas ng advisory ang water concessionaires tungkol sa oras ng water interruption.
Pinayuhan din ng mga ito ang consumer na umpisahan na ring mag-imbak at magtipid ng tubig.
“We again appeal to the public to continue to conserve water and pray for heavy rains to come in the Angat watershed area.”
