Isa sa most wanted alyas Coco Martin naaresto sa Pikit, Cotabato

CENTRAL MINDANAO – Nahuli ng mga otoridad ang number 5 most wanted sa probinsya ng Cotabato.

Nakilala ang suspek na si Robin Guiamalon o alyas Coco Martin, 33, may asawa at residente ng Brgy Bualan, Pikit, North Cotabato.

Ayon kay P/Major Mautin Pangandigan ang hepe ng Pikit PNP na hinuli nila si Guiamalon sa pamamagitan ng warrant of arrest na inisyo ni Judge Rainera Usoa sa kasong murder.

Sinabi ni Pangandigan na matagal na nilang pinaghahanap si Guiamalon na nagtago sa ibang lugar at ngayon ay umuwi sa kanilang tahanan kaya agad nila itong dinakip.

Nakapiit na ngayon ang suspek ng Pikit PNP at nakatakdang ipresenta sa korte.