Inaresto ng mga ahente ng Bureau of Immigration ang isang American national na ilegal na nagtatrabaho bilang dispatchers sa pampasaherong BUS sa Gensan.
Kinilala ang suspect sa pangalang Vladislav Igorevich Black alyas John Black, 36 anyos.
Ayon kay BI Intelligence Deputy Chief for Mindanao Melody Penelope Gonzales, nakatanggap sila ng paunang ulat na nagtatrabho si Black bilang bus driver sa isang provincial bus line sa General Santos.
Kaagad na nagsagawa ng operasyon ang BI at napag-alaman nila na overstaying na ang naturang foreign national sa bansa ng mahigit limang taon.
Paliwanag ni Gonzales, nakipag coordinate sila sa city intelligence at regional intelligence pati na sa Philippine National Police para maisagawa ang pag-aresto.
Sa pahayag naman ni Black, hindi na ito nakapag renew ng kayang VISA matapos na magkaroon ng problema sa pinansyal.
Sa ngayon ay nasa kustodiya ito ng General Santos City Police Office at nakatakdang ilipat sa holding facility ng BI.
