Napabilang na ang beteranong singer na si Bruce Springsteen sa billionaires club na mga celebrities sa buong mundo.
Ito ay base sa pinakahuling talaan ng Forbes magazines.
Ayon sa Forbes na tinatayang aabot sa $1.1 bilyon na ang yaman ng singer.
Ang nasabing halaga ay ‘conservative’ estimate lamang .
Isa sa mga naging dahilan ng pagiging bilyonaryo nito ay noong 2021 ng ibenta niya ang kaniyang music catalog sa Sony sa mahigit na $500 milyon.
Bukod pa diyan ay tinatangkilik pa rin ang kaniyang mga concerts at shows kasama ang kaniyang E Street Band.
Isa siya sa best-selling musicians of all time na mayroong mahigit 71 milyong albums ang naibenta sa US at 140 milyon sa buong mundo.
Isa rin mga accomplishments nito ay ang pagkakaroon niya ng 20 Grammy Awards , Oscars at maging Tony Awards.
Dahil dito ay kasama na niya sa listahan ng bilyonaryong celebrities sina Oprah, Michael Jordan, Mark Cuban ang may-ari ng Dallas Mavericks, Kylie Jenner, LeBron James, Taylor Swift at maraming iba pa.
