Tutulungan ng United States ang Pilipinas hinggil sa food security at pagkamit ng digital economy, habang si US Vice President Kamala Harris ay naglulunsad ng mga hakbangin para dito.
Inihayag ng US Embassy na ang US Department of Agriculture, kasama ang partisipasyon ng United States Agency for International Development (USAID) at ng US Department of State, ay magtatatag ng food security dialogue kasama ang Philippine counterparts.
Bukod dito, maglalabas ang US International Development Finance Corporation (DFC) ng $20 milyon na pautang para mapalago ang mga pasilidad ng Agri Exim Global Philippines, Inc., isang lokal na processor ng mga organic na niyog sa mga derivative products.
Ang dialogue na ito ay magbibigay-daan sa dalawang bansa na “magtulungan upang lumikha ng nababanat na mga sistema ng pagkain at talakayin ang mga pinakamahusay na kasanayan para sa pagbabago at pagpapanatili ng agrikultura.”
