-- Advertisements --
Hinikayat ni Kapamilya actress Angel Locsin ang kanyang mga followers na kilatising mabuti ang mga aspiring leaders na kanilang napupusuang iboto para sa darating na halalan.
Sa kanyang Instagram account ay nag-post ang aktres ng isang larawan na may nakasulat na “Never Again”.
Habang nakalagay naman sa caption nito ang kanyang pagpapaalala na huwag iboto ang mga kandidatong may bahid ng kurapsyon, sinungaling, nagmamanipula ng batas, tamad, malabo, at may hindi makatotohanang plano sa bansa.
Binigyang-diin naman ni Locsin ang kanyang pakiusap sa pagboto ng tama at pag-isipan kung sino ang kandidatong susuportahan.
