Pinagtibay ngayon ng Korte Suprema ang RA 11479 o Anti Terrororism Act of 2020.
Pero mayroong ilang probisyon dito ang idineklarang labag sa batas.
Sa inilabas na abiso ng Supreme Court en banc, kabilang sa mga idineklarang labag sa batas ay ang Section 4 tumutukoy ito sa Terorismo.
Sa botong 12-3 ay idineklara itong labag sa batas dahil umano sa pagiging overbroad at nilalabag nito ang freedom of expression.
Samantala sa botong 9-6 naman ay idineklara ring unconstitutional ang Section 25 o ang Designation of Terrorist Individual, Groups of Persons, Organization or Associations.
Hindi naman idineklarang unconstitutional ang karamihan sa mga inihihirit ng mga petitioners na ideklarang unconstitutional ang Section 29 o ang Detention Without Judicial Warrant of Arrest.
Pero sa botong 10-3 ay idineklara namang constitutional ang naturang batas.
Kung maalala, nasa 37 petisyon ang inihain sa Supreme Court (SC) ng iba’t ibang grupo para kuwestiyun ang ligalidad ng naturang batas.
Karamihan sa mga petitioners ay naghain noon ng petition for certiorari and prohibition para hilingin sa Kataas-taasang Hukuman na maglabas ng Status Quo Ante Order o Temporary Restraining Order laban sa Anti-Terrorism Law.
Respondents sa petisyon sina Pangulong Rodrigo Duterte, Executive Sec. Salvador Medialdea, Senate President Tito Sotto at House Speaker Alan Peter Cayetano.
