Apat na sasakyan ang nagkarambola sa Makilala Cotabato

CENTRAL MINDANAO-Nagsalpukan ang apat na sasakyan nitong gabi ng Martes sa probinsya ng Cotabato.

Apat na sasakyan na sangkot sa karambola ay kinabibilangan ng dalawang forward truck,pick up at multicab.

Ayon sa ulat ng Makilala PNP Nawalan umano ng preno ang isang forward truck at bumangga sa tatlong sasakyan sa bahagi ng national highway sa Barangay Malasila Makilala Cotabato.

May mga nasugatan na agad tinulungan ng mga residente at dinala sa pagamutan.

Sa ngayon ay nagpapatuloy ang imbestigasyon ng Makilala PNP Traffic Unit sa nangyaring karambola ng apat na sasakyan.