Welcome kay National Disaster Risk Reduction and Management Council (NDRRMC) executive director Ricardo Jalad ang appointment ni dating Bureau of Customs (BoC) commissioner Nicanor Faeldon bilang deputy administrator ng Office of Civil Defense (OCD).
Ayon kay Jalad, talagang kailangan raw niya ng deputy administrator dahil matagal na rin itong bakante.
Paliwanag rin ng opisyal na napakalawak ng kaniyang trabaho at kailangan umano niya ng makakatuwang dito.
Aniya, hawak nito ang apat na pillars ng DRRM na malawak ang saklaw at kailangan din nitong bigyan at pagtuunan ng pansin ang admin at logistics side na kinabibilangan ng human resource at procurement.
Sinabi ni Jalad na malaki ring tulong sa ahensiya ang pagkakatalaga kay Faeldon bilang deputy administrator.
“I badly need a second deputy administrator which was vacant before his appointment. My job is so broad covering all four pillars of DRRM plus the admin/logistics side which include human resource and procurement. I welcome and support his appointment,” wika ni Jalad.
