Army intel patay sa pamamaril sa Parang, Maguindanao

CENTRAL MINDANAO-Binawian ng buhay ang isang sundalo sa pamamaril sa lalawtigan ng Maguindanao.

Nakilala ang biktima na si Corporal Al Muiz Dima at naqkatalaga sa Intelligence and Security Unit ng Philippine Army Intelligence Regiment at nakatira Barangay Magsaysay Parang Maguindanao

Ayon sa ulat ng pulisya na pinagbabaril ng di kilalang suspek ang biktima gamit ang kalibre 40 na pistola habang ito ay nasa tabing dagat malapit lamang sa kanyang tahanan sa Brgy. Magsaysay.

Agad namang tumakas aqng mga suspek na sakay umano ng motorsiklo.

Patay on the spot ang biktima ng magtamo ng maraming tama ng bala sa ibat-ibang parte ng kanyang katawan.

Sa ngayon ay nagpapatuloy ang imbestigasyon ng Parang MPS sa pamamaril patay sa biktima.