-- Advertisements --
May naisip si Top Rank Big Boss Bob Arum na ilalaban kay Filipino boxer Johnriel Casimero.
Ito ay matapos na makansela ang laban ng Pinoy boxer kay Naoya Inoue ng Japan dahil sa coronavirus pandemic.
Sinabi ni Arum na maaring itapat sa WBO bantamweight boxer ay si American boxer Joshua Greer.
Mayroong record kasi si Greer na 22 wins- 1 loss at 1 draw habang si Casimero ay mayroong 29 panalo at apat na talo.
Makakalaban sana ni Greer si Jason Maloney na siyang undercard sa laban ni Casimero subalit hindi rin ito natuloy.
Ayon pa kay Arum na dahil kapwa na sa US ang dalawang boksingero ay posibleng ituloy nito ang laban ng dalawa.
