Nadetect na sa 460 bayan at 54 probinsiya sa Pilipinas ang sakit na African Swine Fever (ASF) base sa latest data mula sa Bureau of Animal Industry (BAI).
Sa datos noong Abril 3, tanging 20 probinsiya ang nananatiling ASF-free.
Tinukoy ng ahensiya ang mga lugar na walang nadetect na ASF sa Batanes, Occidental Mindoro, Oriental Mindoro, Palawan, Romblon, Masbate, Aklan, Antique, Bohol, Negros Occidental, Negros Oriental, Siquijor, Biliran, Bukidnon, Misamis Occidental, Basilan, Lanao del Sur, Maguindanao del Norte, Sulu at Tawi-Tawi.
Habang ang mga probinsiya naman na patuloy pa rin ang pag-contain ng ASF ay ang Abra, Benguet, Ifugao, Kalinga, Mountain Province, Apayao, Pangasinan, Cagayan, Isabela, Nueva Vizcaya, Bataan, Bulacan, Nueva Ecija, Pampanga, Tarlac, Zambales, Aurora, Batangas, Cavite, Laguna, Quezon, Rizal, Marinduque, Camarines Sur, Sorsogon, Capiz, Iloilo, Guimaras, Cebu, Leyte, Northern Samar, Samar, Southern Leyte, Zamboanga del Norte, Zamboanga del Sur, Zamboanga Sibugay, Camiguin, Lanao del Norte, Misamis Oriental, Davao del Norte, Daval del Sur, Davao Oriental, Davao de Oro, Davao Occidental, North Cotabato, Sultan Kudarat, Sarangani, Agusan del Norte, Agusan del Sur, Surigao del Norte, Surigao del Sur, Dinagat Islands at Maguindanao del Sur.
Bunsod nito, ayon kay DA Assistant Secretary at deputy spokesman Rex Estoperez na isa ng national concern ang ASF.
Aniya, mula sa 17 rehiyon sa bansa tanging ang National Capital region na lamang ang ASF free.
Ang pinakabagong mga rehiyon na nakapagtala ng ASF outbreak ay ang Bangsamoro Autonomous Region in Muslim Mindanao, na nagkaroon ng unang kaos ng virus sa South Upi, Maguindanao de Sur.
Ilan sa gingawang hakbang ng pamahalaan ayon kay Estoperez ay ang protocol na ibinigay ng World Organization for Animal Health kabilang dito ang depopulation ng 500 meter radius ng lugar na apektado ng ASF.
