Trending sa ilang social media ang video sa ginawang pagnanakaw ng isang aso nang itakbo ang michrophone ng isang TV reporter habang nagsasagawa ng live report sa Russia.
Ayon sa ulat ng Daily Paws, kinilala ang Russian reporter na si Nadezhda Serezhkina na habang nasa kalagitnaa ng live weather forecast ng Mir TV ay bigla na lamang ginulat nang sakmalin ang kanyang hawak-hawak na michrophone ng isang golden retriever.
Bigla ring itinakbo ang mikropono at hinabol naman ito ni Serezhkina at ng kanyang cameraman.
Gulat at shock din ang studio host anchor na si Elina Dashkueva sa pangyayari at nasabi na lamang na nawalan sila ng signal sa reporter.
Sa ilang sandali, muling bumalik sa video si Serezhkina at hawak na muli ang narekober na microphone.
Sa pagkakataong ito, mistulang bagong magkaibigan na ang aso na nakaupo pa at ang TV reporter upang tapusin na ang naantalang live report.
