Astronauts na babalik sa earth, nakasuot din ng diapers dahil sa nasirang toilet ng SpaceX capsule

Umalis na kanilang sa International Space Station ang SpaceX capsule sakay ang apat na astronauts makalipas ang anim na buwan sa kalawakan.

Ang SpaceX ay inaasahang mag-splash down umano sa karagatang sakop ng Miami, Florida.

Una nang napaulat na maraming mga problema at hamon ang kinaharap ng SpaceX Crew Dragon Endeavor mula noong buwan ng Abril.

Kabilang sa naging problema nila ang pagkasira ng kanilang CR o comfort room.

Kaya naman babalik ang mga astronauts sa mundo na sa loob ng kanilang spacesuits ay naka-diaper din.

Pero ayon sa kanilang expedition commander hindi naman daw ito naging problema dahil nakahanda sila sa ganitong mga aberya.