KALIBO, Aklan – Nabalot na agad ng kasiyahan ang Kalibo, Aklan, sa bisperas pa lamang ng Opening Salvo ng Santo Niño Ati-Atihan Festival 2020.
Kaugnay nito, bumuhos at nag-enjoy ang mga nanood sa Kalibo Magsaysay Park sa performance ng bandang Chocolate Factory at aktor na si Rayver Cruz na inimbitahan ng Kalibo Senior Santo Nino Ati-Atihan Management Council, Inc.
Mula 2012 hanggang 2018 sa ilalim ng dating festival manager na Kalibo Santo Nino Ati-Atihan Foundation, Inc., ang Opening Salvo na tinaguriang “Sadsad Tamboe” ay inilipat sa buwan Oktubre mula sa nakagawian na isang linggo bago ang ikatlong linggo ng Enero.
Maliban sa bansag na “Mother of all Philippine Festivals,” ang Kalibo Santo Niño Ati-Atihan Festival ay kilala rin sa buong Asya bilang “wildest, craziest” at inaabangang atraksyon ng international media.
Tema ng event ngayong taon ay “Ro Pag-umpisa” o nangangahulgan na “ang pagsisimula.”
