Nagbigay na ng panig ang negosyanteng si Atong Ang matapos na madawit sa away ng mga magkakapatid na Barretto.
Ayon sa negosyante na business partner sila ni Gretchen at ang partner nitong si Tonyboy Cojuangco.
Ang negosyo raw sa casino at sabong ang pagkakaugnay niya kay Greta at Tonyboy.
Inamin naman ng negosyante na ang relasyon niya ng pamangkin ni Gretchen na si Nicole ay dahil nagtatrabaho sa kanya noon ang ina nito na si Marichu.
Dito umano naging malapit sa kanya si Nicole mula noong nag-aaral pa lamang ito na kanya namang tinutulungan.
Kaya raw natsitsismis siya kay Nicole ay dahil nakakasama niya ito noon upang ayusin ang kanyang mga bookings at iba pa.
Itinanggi rin ng negosyante na may relasyon sila ng actress na kapatid ni Gretchen na si Claudine.
Tumulang lang daw siya noon upang ayusin ang gusot sa isang anak ng mayor.
Nauna rito ibinunyag ni Nicole na kaya sila nagkahiwalay ni Atong ay dahil sa “sinulot” daw umano ni Gretchen.
May buwelta rin dito si Gretchen at sinabing: “Oh I’m sorry. I was told Nicole stole Atong from her aunt Claudine”
