Award winning author Joanna Cole, pumanaw na, 75

Pumanaw na ang Award-winning US author Joanna Cole sa edad 75.

Kinumpirma ito ng kaniyang publisher sa pagpanaw ni Cole sa kaniyang bahay sa Sioux City, Iowa.

Hindi naman na binanggit pa nito ang sanhi ng kamatayan ng author.

Nakilala si Cole sa librong ginawa nitong “The Magic School Bus” isang science series na inilabas noong 1986 kasama niya dito ang illustrator na si Bruce Degen.

Aabot sa 93 million copies ang nagawa at naibenta sa 13 bansa ng nasabing libro.

Isinilang sa Newark, New Jersey si Cole noong 1944 at noong bata pa ito ay nagpakita na ng interest sa science.

Ilan sa mga librong nagawa nito ay ang “The Clowns Arounds” , “Bony-Legs” at “Best Loved Folktales of the World”.