Sasabayan na rin nang pormal na pagreretiro sa international game ng isa sa mga goalkeeper ng Philippine Azkals na si Ronald Muller.
Inabot din ng anim na taon ang Germany-born na si Muller na kadalasan ay siya ang back up na goalkeeper ni Nel Etheridge.
Mula pa noong 2011 nagsimula si Muller, 29, sa ilalim ng bandila ng Pilipinas nang maglaro siya sa Under-23 sa Southeast Asian Games.
Sa kanyang mensahe sa Twitter, nagpaalam na si Muller at todo pasasalamat sa mga supporters ng Azkalas.
Aniya, proud daw siya na lumaban sa ngalan ng Pilipinas.
“I gave always 100%. Hard decision saying ‘Goodbye.’ Time to take care of my own family. Thank you for the support and for all what you did to me. I will never forget this part of my life and I’m so thankful for this chance. I will always be an Azkals!”
Nitong gabi huling maglalaro sa international friendly game si Muller na gaganapin sa Rizal Memorial Stadium sa lungsod ng Maynila.
Matapos ito ay babalik si Muller sa Ceres Negros FC upang tapusin ang kanyang kontrata at sa kanilang kampanya sa 2017 AFC Cup.
Dahil sa pag-alis ni Muller inaasahang mabibigyan ng exposure lalo sa team ang home grown na si Patrick Deyto.
Samantala kompleto namang sasabak ang 23-man line up ng Team Azkals.
Mangunguna sa laro ang team captain na si Phil Younghusband at goalkeeper na si Neil Etheridge.
Todo ang ginagawang paghahanda ng Azkals para sa AFC Asian Cup UAE 2019 Qualifiers.
Sa sunod na March 28 makakaharap ng Pilipinas ang Nepal doon pa rin sa Rizal Memorial Stadium.
Kasama ng Pilipinas sa Group F ang mga bigating qualifiers na Tajikistan, Nepal at Yemen.
Ang tinatawag na home-and-away qualifiers ay lalaruin hanggang sa sunod na taon kung saan ang top two teams sa grupo ay uusad sa second round ng prestihiyosong torneyo.
Narito ang 23 player line-up sa ilalim ni coach Thomas Dooley
AGUINALDO, Amani Manuel
ARBOLEDA, Fitch Johnson Daviz
BAHADORAN, Misagh
CHRISTIAENS, Jeffrey
DANIELS, Kenshiro Michael
DE MURGA, Carlos Alberto
DEYTO, Patrick Philip
ETHERIDGE, Neil Leonard
INGRESO, Kevin
MINEGISHI, Hikaru
MÃœLLER, Roland Richard
MUÑOZ, Jim Junior
OTT, Manuel
OTT, Mike Rigoberto
PATIÑO, Javier
PORTERIA, Jose Elmer
RAMSAY, Iain
SATO, Daisuke
STEUBLE, Martin Markus
VILLANUEVA, Dennis
WOODLAND, Luke
YOUNGHUSBAND, James Joseph
YOUNGHUSBAND, Philip James
