-- Advertisements --
ROXAS CITY – Patay ang 38-anyos na babae matapos nahulog sa sinasakyang tricycle sa Barangay Sta. Cruz, Ivisan, Capiz.
Kinilala ang biktima na si Gigi Reyes ng Barangay Ilaya Ivisan, Ivisan,Capiz.
Base sa imbestigasyon ng Ivisan Municipal Police Station, sakay ng topdown na tricycle ang biktima na minamaneho ni Diony Villasoto Jr nang biglang may huminto na motorsiklo.
Dahil dito ay biglang kinabig ni Villasoto ang manibela at dahil hindi nakahawak ang biktima ay nahulog ito at humampas ang kanyang ulo sa semento.
Kaagad dinala sa ospital si Reyes ngunit idineklara itong dead on arrival.
