Babae sa train station sa NY patay matapos sunugin

Pinaghahanap na ng mga otoridad sa New York ang suspek na nanunog ng isang babae sa loob ng subway.

Nasawi ang biktimang babae matapos na siya ay silaban ng suspek sa F-Train ng Coney Island Stillwell Avenue station.

Base sa imbestigasyon, natutulog ang babae sa labas ng train station ng bigla itong lapitan ng suspek at doon sinunog.

Mabilis na tumakas ang suspek matapos ang insidente.