ROXAS CITY – Patay ang isang back rider matapos itong saksakin, sa sitio Malamig, Brgy. Poblacion, bayan ng Sapian, Capiz.
Kinilala ang namatay kay Antonio Oroceo Obuyes, 26 taong gulang at residente sang Brgy. Agtatacay Sur, sa nasabing bayan.
Sa impormasyon na nakuha ng Bombo Radyo sa driver ng motorsiklo na si John Villasis, na dakong alas-10 ng gabi, dumaan ang mga ito sa lugar kung saan nagpapa-gas ang suspek na si Ryan Gonzales Pamatian, 39 taong gulang, may asawa at residente ng Sitio Lahong, Brgy. Poblacion, sa kaparehong bayan.
Sinasabing sumigaw ang mga biktima lulan ng kanilang motorsiklo, habang dumadaan sa nasabing lugar dahil kilala ng mga ito ang may-ari ng bahay, at di umano’y inakala ng suspek na siya ang sinigawan.
Dahil dito, hinabol ng lasing na suspek sakay ng kanyang motorsiklo ang mga biktima, at nung naabutan nito, nagkaroon ng komprontasyon sa dalawang panig, at tinangkang saksakin ng suspek ang driver ngunit ang backrider na si Obuyes ang tinamaan.
Nagtamo ng sugat sa ilalim ng dibdib ang back rider at dinala pa sa Roxas Memorial Provincial Hospital, ngunit kalaunan binawian ito ng buhay.
Nahuli din ang suspek sa ginawang follow-up operation ng mga kapulisan.
